اكيد البدري لسه فس بدايه مشاوره مع الاهلي ومن الصعب الحكم عليه ومن الظلم ليه مقارنته بمدرب كبير زي مانويل جوزية وهو لسه في بداية مشاورة التدريبي
اكيد الخمس سنين اللي جوزيه كان فيها المدير الفني من ناحية النتائج هي احسن خمس سنين في تاريخ الاهلي احتكار للدوري و السوبر والفوز بلقبين للكاس علي المستوي المحلي والفوز بثلاث القاب لدوري الابطال ومثلها للسوبر الافريقي ليصبح الاهلي صاحب الرقم القياسي للفوز بالبطولتبن اضافه لابطال الكؤوس اللي الاهلي صاحب رقمها القياسي والمشاركة في كاس العالم للاندية ثلاث مرات والفوز بالبرونزية في 2006لكن علي صعيد الاداء الاهلي كان اكتر من رائع في اول ثلاث سنين منهم نتيجة واداء وفوز بنتائج كبيرة بجد الفريق متع مصر كلها لكن في اخر سنتين حصل انخفاض كبير في الاداء بقا الاهلي بيعيبه البطء واللعب الروتيني ونسبة ميس باص تجيب الضغط الفريق حلوله قليله مش بيقدر يخلق فرص كتيرة والفوز كان بيكون في اغلب المباريات بفارق هدف واحد او اتنين علي اقصي تقديردا ظهر جدا الموسم اللي فات اللي الاهلي خسر في عدد كبير من النقاط وكسب الدوري بصعوبة كبيرة
مع البدري باستثناء المباريات الاولي في دورة الزيتون اللي الفريق كان ناقص فيها اللعيبه الدولية وكان لسه متعودش علي الطريقة الجديدة و ويمبلي لفارق المستوي الكبير انا شايف ان الاهلي كورته احلي في اسلوب للعب الفريق عنده حلول بيقدر يصنع فرص ونسبة التهدبف اتحسنت عن الموسم الماضي وان شاء الله هتتحسن اكتر بعودة متعب و فضل وطلعت واكنمال القوة الهجومية
جوزية كان بيعتمد علي الانضباط وبيكلف اللعيبة بواجبات محددة مينفعش يخرجو عنها ودا شئ مهم ولازم يكون موجود لكن مكنش مدي اللعيبة حرية الابداع اللي بتدي شكل جمالي للفريق لكن البدري مع الحفاظ علي الانضباط التكتيكي مدي اللعيبة حرية اكتر وكمان طريقة 4/4/2 مزودة لاعب في نص الملعب فبقا ممكن نلعب باتنين ديفندر وقدامهم اتنين عندهم حرية كبيرة في الهجوم ممكن يلعبو علي الاطراف ويساعدو الباكين اليمين والشمال زي ما بنشوف احمد علي وقدامه فتحي او حسين ياسر وسيد معوض وقدامه احمد حسن او شيبطه ودا بيزود الاختراقات من الاطراف او ممكن واحد يكمل ورا الفروده زي احمد حسن اللي بنشوفه كتير في المنطقة بيلعب علي الجون وهو حاليا هداف الاهلي كمان البدري بيحاول يعمل احلال وتبديل بشكل تدريجي بحيث ميأثرش علي الفريق ويدي فرصة لبدائل لابو تريكة وبركات وحسن اللي اكيد هيعتزلو في يوم زي حسن ياسر وسعيود وبيدي فرصة للاعبين شباب زي شبيطه وعبد الله فاروق واحمد علي واحمد عادل و كمان مانجه ربنا يشفيه
انا شايف ان البدري يقدر يعمل فريق جامد بيعرف ازاي يكسب و في نفس الوقت بيلعب كورة حلوة وبيمتع الجمهور ودي حاجة مفيش كورة من غيرها صحيح جمهور الاهلي بيحب الفوز والبطولات بس كمان عاوز فريقة يلعب كورة حلوة وان شاء الله الاهلي يقدر ياخد الدوري السنادي رغم ان البطولة صعبة وفي منافسين كتير ويقدر ياخد بطولة افريقيا السنة الجاية
و ان شاء الله البدري يتفوق علي استاذه جوزيه
موضوع: الفريق بين اهلى البدرى واهلى جوزيه