اكله جديده جدا...إدخل وشوف...هتعجبك...لذيذه مووووت

بطاطس
كلاوى من عند الجزار او كبده
وممكن لحمة او فراخ
بصل-فلفل اخضر
بهارات
باشميل(دقيق-سمنة او زيت-لبن-بيض-ذرة ملح)
طريقة التحضير:
نبشر البطاطس بس بشر عريض مش رفيع
ونقشر البصل حلقات رفيعة والفلفل قطع صغيرة
وبعدين نقطع الكلاوى او الكبدة قطع صغيرة
وصدقونى الكلاوى طعمها احلى
بس الى انتو تحبوه
وبعدين نجيب حلة ونضع فيها معلقتين سمنة او زيت حسب الرغبة
ونضعها على النار
وبعدين نضع البطاطس والبصل والفلفل والكلاوى والبهارات
ونسويهم على نار هادية نص سوى
وبعدين نرفع الحلة عن النار
ونيجي بقى للبشاميل
كمية البشاميل حسب كمية البطاطس والكلاوى
وكمان حسب مقاس الصينية بتتحددى كميتك
طريقة عمل البشاميل:
نحضر حلة ونضع فيها سمن او زيت حسب الرغبة
ملعقتين كفاية
وبعدين نحضر 3 ملاعق دقيق او حسب الرغبة
وبعدين نحمر الدقيق في السمن او الزيت
لحد مايبقى لونه اصفر
وبعدين نضع عليه كمية لبن مناسبة يعنى كيلو لبن
ونضع الملح حسب رغبة كل وحدة في الطعم
ونستمر في التقليب المستمر
حتى يصبح قوام البشاميل سميك
نرجع بقى للصينية بتاعتنا:
بعد ماجهزنا البشاميل
نجيب صينية والمقاس والكمية حسب الرغبة وعدد الافراد
ندهن الصينية بالسمن
وبعدين نضع فيها خليط البطاطس والكلاوى
ونضع فوقها طبقة من البشاميل
وبعدين نضعها في فرن متوسط الحرارة
لمدة نصف ساعة حتى يحمر وجهها
وبالهنا والشفاء
اي خدمه استاذه هبه انا احضرت الوصفه والمقادير وانت عليكي تجربيها عملي علشان نشوفها حلوه ولا........

يا جماااااااعه انا حاابب ادوق الاكلة دي من حيتبرع بالمقادير ومين حيعملها بس انا حعمل حاجه جميلة خاالص واصعب حاجه في الموضوع اني حدوق الاول

شوف يابشمهندس للى يعمل اكله يكملها للاخر يعنى ممكن حضرتك تحضرها وتسويها وانا اكلها وبعدين احكم وكله بثوابه هاااااااااااااااا راءيك ايه؟؟؟

انا اكتر حاجه بكرها اني اعمل اكل لاني مو اعرف واكتر حاجه بحبها اني ااكل علي الجاهز بس لو مصريين اعملكم بس انا مش مسئول