عايز تموت ازاي

واحد سأل مصرى: لو عايز تموت تموت إزاي ؟ فماذا قال؟




واحد سأل مصرى: لو عايز تموت تموت إزاي ؟


قاله:


عاوز تموت شهيد


يا تركب قطر


يا تركب عباره


ياتركب طياره


عاوز تموت م الجوع


ياتشترى شقه بالقسط


ياتشترى عربيه بالقسط


يا تدخل عيالك مدرسة خاصة


عاوز تموت م الحسره


ياتتفرج ع الفاترينات فى ستى ستارز



ياتروح زياره لمارينا


عاوز تموت م الغيظ



ياتتفرج ع القنوات المحليه


ياتتفرج ع النشره الجويه


عاوز تموت م الزهق


ياتستنى الإشاره لما تفتح


ياتستنى دورك فى التأمين الصحى


ياتستنى دورك فى الفرن



عاوز تموت م الهبل


يا تسمع تصريحات المسئولين بعد كل كارثة


يا تتفرج على برامج المسابقات


عاوز تموت مخنوق


ياتروح مصلحه حكوميه
يا تقرا الجريده اليوميه

عاوز تموت م الخضة


يا تركب ميكروباص


يا تعدى الشارع على رجليك

عاوز تموت مفروووس


ياتقف تستنى تاكسى


ياتركب الترام


عاوز تموت مرعوووووب


ياتستنى نتيجه الثانويه العامه


ياتستنى نتيجه التحاليل عند الدكتور


عاوز تموت مشهور


ياتتجوز رقاصه
ياتنصب على بنك


عاوز تموت مليونير


ياتعمل فيديو كليب


ياتلعب كوره

عاوز تموت ورا الشمس


ياتشغل مخك


ياتفتح بؤك


عاوز تموت م الحزن


ياتحط الحكومه ف بالك


يا تشجع الزمالك

عاوز تموت م الضحك


يا تسمع تصريحات وزارتا الصحة و التعليم


يا تروح تتطعم من أنفلوانزا الخنازير


عاوز تموت ف حالك

أعمل نفسك دايما....مش واخد بالك

موضوع مضحك جداً وكوميدى بطريقة جميلة سلمت يداك

تقبل مرورى

شكرا يا سوزان على هذا المرور الكريم

موضوع جميل
تسلم ابو طه
تقبل مروري

جميل ابو طه فهو نوع فكاهه جديد
في رعاية الله

شكرا لضبعاوي والحاج بركات والعالمي على هذا المرور الكريم وصدقت يا حاج بركات فتجهيز العروسة أصبح مكلف جدا هذه الايام