لعبة الصراحة

لعبة الصراحه لعبة جميله جدا
انا حكتب سؤال والا يدخل بعدي يجاوب علي السؤال ويكتب سؤال والا يدخل بعده يجاوب علي السؤال الجديد ويكتب سؤال وهكذا ابدأ انا بالسؤال
س1- ايه اكتر حاجه بتحب تعملها او تعمليها كل يوم؟
والا ميقدرش يجاوب علي السؤال يقول لا استطيع الاجابه علي السؤال ويريت ميكتبش اجابه مش صحيحة لان دي مجرد لعبة بتعرفنا علي بعض اكتر

في الاجازة برنامجي معرف النوم حتي الظهر وبعدين النت والنادي والجلوس مع اصدقائي

والسؤال ازاي تقيم علاقتك مع اصحابك؟

صحابي جزء من حياتي واقيم علاقتي با اصحابي بعيدا عن المصالح نهائيا لاننا في مرحلة الجامعه ولم ندخل الحياه العمليه وان شاء الله تظل العلاقه تقوم علي الحب والاحترام



وسؤالي......هل عندك خبرة التعامل مع الناس وانت فاهمها ازاي؟؟

امنية حياتى انى احصل على كل شئ بتمناه فى الدنيا واكون سعيدة فى حياتى واوصل لهدفى
وسؤالى هو ايه هدفك فى الحياة؟

هدفي في الحياه اني ادخل كليه هندسة قسم حاسبات
السؤال
اصعب شئ بتخاف انه يحصلك ولو حصلك كيف ببتفاعل معاه؟

انا بصراحه بخاف من اني اعمل شئ يزعل اصحابي مني علشان مش بحب كلمة اسف خالص بس لو حصل وزعلت حد من اصحابي بعتزرله بس بطريقة غير مباشرة وبحسسه اني عملت حاجه غلط وندمان بس مش بقوله انا اسف
السؤال
حلمك تدخل كليه ايه ولو دخلت كليه طيب هي دي الكليه الا كان نفسك تدخلها ولا لا ؟

انا بصراحة عندى حلمين يعنى نفسى ادخل كلية صيدلة ولو محصلش نصيب فيها نفسى اكون مرشدة سياحية
السؤال
مين اكتر عضو بتحبه فى المنتدى او بتعزه؟

اكتر عضو بحبه في المنتدي كيمو الضبعاوي
السؤال

هل تؤيد الزواج العاطفي ام الزواج التقليدي ؟ ولماذا ؟

علي حسب الظروف انا سيبها لظروف تحكم
ولماذا
علشان دي حاجه في علم الغيب ومش حقدر ااقدراها
السؤال
اعتذار تريد ان تقدمه لمن؟

الاعتذار اقدمه لكل انسان او انسانه ممكن اكون جرحته بكلمه او ضايقته لكن بالضيط اعتذر للزمن لاني كنت فاهمه غلط

السؤااااااااااااااااااااااااال
ماهو الحب ؟وما انواعه؟ من وجهة نظرك

الحب هو مثل اي لعبه يمارسها اثنان في نهايتها احدهما يربح والاخر يخسر
انواعه
حبى لاخواتى وزملائى ومدرستى واستاذتى حب للمجتمع الذى اعيش به
من وجهة نظري
اهم حاجه في الحب الصراحه
السؤال
هل ممكن تحب شخص تانى بعد قصة حب دامت طويلا ؟

الحب مش بيد اي انسان الحب اجمل شي واجمل احساس ممكن الانسان يحب مره ومهما دامت ولكن انتهت هذه القصه من الممكن يحب مرة اخري
الســـــــــــــؤال
ماهي الصفة التي تشد انتباهك في اي انسان سواء شاب او فتاه؟

الصفة التي تشد انتباهك في اي انسان سواء شاب او فتاه
شحصيته
السؤال

هل هناك تخوف لديك من العنوسة ؟ ومتى تبدئين بالتفكير بموضوع الزواج ؟ وهل هو موضوع يشغل بالك ؟ وإذا كنت متزوجة ،، فما هو رأيك بالزواج حاليا؟؟

معلش يا ابوعلي انا ولد مش حنفع ارد علي سؤاالك
بس بالنسبة لتفكير في الزواج لا طبعا مش بفكر ولا حفكر دلوقتي الا لما اتخرج
السؤال
ليه لما منقدرش نعمل الحاجه بنكابر ونحاول واحنا عارفين ان عمرنا محنقدر نوصل وليه في ناس بتجادل في مواضيع اصلا متعرفش حاجه عنها بس علشان تظهر ولا ايه انتظر ردودكم

السلام عليكم
م :احمد انا اعتقد اي الانسان اللي بيعمل كده اما غرور بنفسه او انه عنده نقص ويحاول يكابر ويظهر انه يعرف كل شي ليخبي نقصه
الســــــــــــــــــــــــــــــــــؤال
الدنيا تغيرت الاخ يبيع اخاه والصديق يتخلي عن صديقه وغيرها من المواقف
فالعيب فينا ام في الزمان؟ ولماذا؟ وماالحــــــــــل
شكرا اخواني

نعيب زماننا والعيب فينا وما لزماننا عيب سوانا
احنا اللي تغيرنا وغيرنا زماننا واكبد اتغيرنا من الاحسن اللي الاسوء
والحل هو الرجوع للدين الاسلامي الحنيف الذي يدعونا الي الحب والمودة والاحترام ومساندة الصديق وقت الشدة

والسؤال
هل يمكن مستقبلا ان تتحول كوم الضبع مجتمع مدني (مدينة)في الناحية الاجتماعية يكون كل انسان مسئول عن نفسه ولا علاقة له بالاخرين ؟ وهل تفضل ذلك ام الحياة القروية احسن ؟

كوم الضبع بدأت فعلا من وجهة نظري في التحول الي مجتمع مدني(مدينه) وكل انسان او في الاغلب ان كل انسان يراعي لمصلحته فقط حتي زمان كانت الناس بتسأل علي بعضها دلوقتي صعب تلاقي حد يسأل علي التاني
انا من وجهة نظري ان الحياه القروية افضل بكثير
السؤال
1ـ لو قال لك المصباح السحري إختر أمنيتين ايه تختار....؟

السلام عليكم
لو كان معايا المصباح السر هختار امنيتين
الاولي :انسانه مخترمه مؤدبه تتقي الله وتخاف ربها للارتباط بيها اي
انسانه محترمه للارتباط
ثانيا:ان اكون انسان محترم يحترمه الجميع ويقدر ارائه
بس يااحمد
السؤال:ماذا تفعل لو اعطيت مبلغ مهول من المال ؟

معلهش اجابة السؤال حتكون طويله لان ده ياجماعه مبلغ مــــــــاهـو

لو اعطيت مبلغ مأهول من المال سأفعل

أولا: اقتسمة ثلاث

القسم الاول اخصصة لانشاء دارلتنمية مهارات الشباب كالرياضة الرماية الكراتية رفع الاثقال الرياضة بأنواعة وكذالك المهارات العلميةوالحرفية

القسم الثانى : اخصصة لبناء مشغل على اعلى المستويات لكى اساعد فتيات البلدالاتى لم يحالفهن الحظ فى وظيفة ويكون عائد الانتاج بعد المصرفات والاجور يوزع على الايتام والفقراء اى انة مشروع منهم واليهم

اما القسم الثالث : فهذا يكون لى خاصة استثمرة ايضا فى ما ينفع البلد وينفعنى ويكون عائدة على

ولاكن اين هذا هل لديك كما يقولون خاتم سليمان

ليت كل مايتمناه المرء يدركة ولكن تأتى الرياح بما لاتشتهى السفن

الـســؤال

لو قيل لك غدا سوف تسافر الى بلد بعيد عبر الصحراء ومسيرة السفر طويلة ماذا تفعل وماذا تعد لاأخذه معك

حاخد الحجات الاساسية مثل اكل وشرب +موبايل اسمع عليه اغاني هههههههههههههههههه بس للا اسف حيخلص الشحن بس مش مهم
بجد مش عارف
السؤال
من غير زعل
ليه اغلب البنات ديما حاسين نفسهم مظلمين وبيحسوا ان الاولاد ديما ظالمين

والله يا احمد انا من راي ان الموضوع ده متوارث عنديهم وهيفضل الاحساس ده عنديهم علي طول
بس علي فكره البنت التي شخصيتها قويه ما حدا يقدر يظلمها وكذلك الولد لو شخصيته قويه وانسان مثقف ما هيظلم
والسواااااااااااااااااال
ما مفهوم التضحيه ف شحصيتك

مفهوم التضحيه فى حياتى إنى أضحى عشان الشخص اللى يستاهل بغض النظر عن إنه ممكن يضحى عشانى أو لأ ومنتظرش منه أى مقابل للتضحيه دى
والسؤال: نظرتك أيه للإخلاص فى الصـــــــــــــــــــــداقه

نظرتك أيه للإخلاص فى الصـــــــــــــــــــــداقه؟
اولا احب الخير له
2-لا اظهر عيوب صديقي قدام الناس
3-ديما اظهر اجمل حاجه في صديقي قدام الناس
4-لا اتكلم عنه في غيابه الا بكل خير
السؤال
أغمض/ي عيناك دقيقة وتخيل/ي قبلها أنكي تملك/ي الدنيا بين يديكـ/ي؟؟
مـــــــــاذا ستفعلين/ي؟؟؟؟؟؟

السلام عليكم
اسمحلي احمد اكون انا المجيب عن السؤال بتاعك
الاجابة ماذا افعل بالدنيا اهديها لوالدتي هيا وعمري وعيوني وحياتي فهي صاحبة افضال كبيرة جدا عليا وليس لها اي مثيل بارك الله فيها وحماها يارب
الســــــــــؤال
ماهو الغني من وجهة نظرك؟؟؟؟؟

الا ضميره مريحه ومش بيخاف من اي حاجه دا اكيد هو اغني واحد في الدنيا
ايه اصعب حاجه في حياتك

اصعب حاجه فى حياتى

الـفـــــــــراق

س: - ماهو أكثر شيء تخشاه؟

اني مدخلش الكليه الي عيزاها واني مجيبش مجموع اخر السنه
السؤال بتاعي ايه اكتر حاجه اثرت فيك \فيكي السنه دي واحزنتك