البرادعى ليس برادعيا

جميعنا نعرف قرية البرادعة أو كما يسمونها قرية التيفود تلك القرية الهادئه التى يعيش أهلها على الزراعة والتى أصيب معظم أهلها بالتيفود بسبب أختلاط مياه الشرب مع مياه الصرف الصحى فأصبحوا لا يملكون أبسط حقوق المواطن البسيط بشرب مياه نظيفه


وبالطبع جميعنا نعرف محمد البرادعى المدير السابق للوكالة الدولية للطاقة الذرية وما يحيط به من هالة أعلامية كبيرة والذى يربطه بقرية البرادعة الأسم فقط


البرادعة هى قرية بسيطة وجميع اهلها بسطاء حالها كحال جميع المصرين وهى تمثل مثال صارخ على الأهمال و الجهل و الفساد دعونا الأن نتخيل أن البرادعة هى نموذج مصغر لمصر و أن البرادعى قادم ليقيم فى البرادعة بصفته برادعيا و لحظة دخوله القرية يجد أهالى البرادعة فى أستقباله بالطبل و المزاميرو يستقبلوه أستقبال حافل وبالطبع وسائل الأعلام كان لها حضور كبير فنرى مذيعة تحاور أهالى القرية فتسأل أحدهم

المذيعة : تعرف ايه عن البرادعى
المواطن : هما بيئولو أن دكتور البرادعى ده هو الى هيعالج القرية من التيفود
المذيعة : بس هو دكتور فى القانون
المواطن : خلاص يبأ هو الى هيرفعانا قضية عشان يعلجولنا مشكلة الميه الى فيها تيفود
المذيعة : بس هو دكتور فى القانون الدولى
المواطن : بس هو راجل طيب أوى زى ما بيئولو و دحكتوه كيده تفتح النفس

المذيعة تخترق الحشود وتصل للبردعى وتجرى معه حوار

المذيعة : ما رأيك فى أستقبال أهالى البردعة لك

البرادعى : والاهى أنا مبسوط أن الناس دى كلها جات أستقبلتنى بس أنا مش عارف هما مبسوطين و فرحانين كده ليه هما عايزين منى أيه

المذيعة : هما شايفين أنك ممكن تحليلهم كل مشاكلهم

البرادعى : سوف أعمل ما بوسعى بصفتى برادعيا حتى تسير الأمور فى الطريق الصحيح

المذيعة : ده كلام جميل بس أنتا مفكرتش لما تسكن فى البرادعة هتشرب ميه منين

البرادعى : أكيد هشرب ميه معدنية

المذيعة : طيب لما تحب تاكل عيش يا ترى هتوقف فى الطبور

البرادعى : طبور أنا مشوفتش حد بيؤف فى طبور عشان ياكول غير فى البلاد الى فيها مجاعات

المذيعة : ده ميش الطبور الوحيد الى هتؤف فيه مثلا هتعمل أيه فى أنبوبة البوتجاز

البرادعى : هو لسا مفيش غاز طبيعى

المذيعة : لما تحب تنزل من البيت و تروح أى حته هتعمل أيه فى الزحمة

البرادعى : ماهو لازم نتوسع فى الصحراء و نبنى مدن جديدة

المذيعة : طيب و هتعمل أيه فى الألغام الى موجودة من أيام الحرب العالمية الثانية

المذيعة : و هتعمل أيه ………. و هاتعمل أيه

البرادعى : خلاص كفاية هو فيه سوء تفاهم أنا جيت هنا غلط هو الموضوع مجرد تشابه أسماء

شكرا على الموضع الجميل وعلى المعلومات الجديدة