اسمعنى يا طيب (شعر/ حمدى عماره ) اهداء إلى : الطيب بدوى (نجع الفيران )

مش عاوزك تتحدت ويَّاى
أو حتى تحرك راسك
- زى كنت ما تعمل
قبل ما تتفرغ للقعدة -
كدا رايح جاى
علشان ما تأمِّن على قولى
أنا عارف إنك ح تصدق ...
بس اسمحلى إن ابقى معاك
ومولى البوح على بكرة الجاى
.. عمنول
- عذرا خال .. -
أنا كنت بافكِّر إن أجيك
وارف أخبارك
مش من حد غيرك - منيك
أتاريك منتاش مسامحنى
أصل أنا من أكتر من ست سنين
مفكرتش فيك
القصد ...
غن كان البعد عن الدنيا
ف انته الكسبان
الناس فى الشارع - ما يوريك -
على عدد الخطوة اللى ح تنوى ...
ممطوطة لبان
وانته ال طول عمرك واد حريف
وملاعب الأرض لو انتبهت ..
أو حست بيك
كنت انته بقيت أشهر لعيب
لو شاطر قوم خلص نفسك
وسط المخاليق
لو كان فى وسع
أو كان فى الديق
ولا عدش يا طيب فيها صديق
يفضل يصدق وياك على طول
لو جا واداك الوش ف يوم
ح يروح بايعه لغيرك لسنين
والعَقْد اللى ف يوم ما قريته
مخطوط بمداد ( لو خد ...
ح تجيب ...... )
يعنى ما فرقاش
لو بعت لعدا أو كان لحبيب
طول ما المعلوم داخل فى حسابك
أو مضمون ...
والساقية ام القواديس بتدور
لكن بالدور ...
ولا عادت مية بتروى عطش
وما بطل خشم ل قولة أمبووو
..............................
و قْدام الخلق
مكن وبتدوح ع الفاضى
وخطاوى تجر وراها دروب
بلاد الله لخلق الله
والاسم انها لقمة وهدمة
وكباية شاى ونفس دخان
لو راح ولا جه ...
برضك دخان
يعنى الخسران هو المكتوب
فى سجل الدنيا انو مفتح
ومقلقل طوبها ف مطارحها
وان كان ع الحسبة ...
ماهيش نافعة
لو قلت : يا جمْع
ح تطرح إيه ؟
أو قلت : يا ضرْب
ابقى تغمض لجل متوعاش
فى القسمة نصيبك
يطلع كام .

جميل جدا

وتسلم ايدك

وننتظر منك مزيد من الابداعات

مشكوووووووووووووور

الشاعر حمدي عمارة

علي القصيدة الرائعة منك

يارب في تقدم دائما

مشكور استاذ حمدي علي هذه القصيده الاكثرمن رائعه

ننظرابداعاتك القادمه فلاتحرمنا منها


تقبل مروري المتواضع

جميل جدا

وتسلم ايدك

وننتظر منك مزيد من الابداعات