(روميو نوح)................................
أنا زعلان عليكى يامصر
مش منك زعلان
خايف عليكى من القهر
ومن غدر الزمان
بعنا اللى باقى منا
وقفلنا كل البيبان
ورهنا مصيرنا على
الآنا ومن بعدى
الطوفان
أنا عارف أنك قوية
وأكبر مافي الدنيا دية
ومن أى تحدى كمان
بس ولادك زودوها
هدوا الأيام وبنوها
على شفا بركان
دنسوا كل عباية
لبسوها وحرفوا
الأنسان
غيرو جينات الحقيقة
واتحالفو مع الشيطان
ولولا بواقى الخير
لنكسر فينا عود
الأيمان
الله يعينك يامصر علينا
ويطرح البركة فى اللى
بعدينا
يارب
مايشربوا من كاس
ساقينا
ويعوضك يامصر عنا
وتنسينا
(بركات خيري)..................................
ويعوضك يامصر عنا وتنسينا
واهى للرحمن رافعين يدينا
بندعى يارب يهديكى ويهدينا
وتتحسن المعيشه للمولودينا
ويعيشو فى رغد مش أعباء ودينا
ولا هو بس وعد واتكتب علينا
انه الكبير والباشا يدوس علينا
ليه بس يامصرده المولى وصى علينا
لكن معلهش كله سلف ودينا
وسلام ياروميوروليك علينا
نردعليك طول ما النت بين ادينا
(روميو نوح).......................................
نردعليك طول ما النت بين ادينا
الله عليك يا اغلي عضو عندينا
اقف جنب شباب المنتدي مش زي ناس علينا
كلامك معانا بالدنيا ده احنا من كلام ناس ملينا
بركات خيري).............................................
كلامك معانا بالدنيا ده احنا من كلام الناس ملينا
ايه والله ده الحياه قرف وعبء ثقيل علينا
نمشى مشى نتكعبل نقف تتكسر رجلينا
ننظر قدامنا الناس تحدف بالطوب علينا
نلتفت ورانا نلاقى عربيه او متوسكل فات علينا
ده الحياه بقيت غلا وقرف وعبء ثقيل علينا
قولى ياروميو ده نصيبنا ومفيش حاجه بأدينا
وبرضه كله يامصر فى النهايه سلف ودينا
النهرده تحت بكره فوق وندوس عالي داس علينا
وكفايه كده وسلام يانوح ياتقى وبار الوالدينا
(روميو نوح).....................................
وكفاية كدة وسلام يا روميو يا تقي الوالدينا
طب اعمل اية يا استاذي عدونا مننا فينا
نكتب علية عشان يحث واحنا بنتعب ادينا
يارب كل غايب عنا يرجع لاراضينا
في الكويت في السعودية في الامرات كلو غالي علينا
وسلملي يا استاذي علي ناس جنبك سفرهم قطع بينا
احبك في الله يا اغلي ما لدينا
(بركات خيري).........................................
لا لن ءأيدك فى عدونا مننا فينا
فلا ولن يوجد بغضاء ولاعدو فينا
بل هم حبايبنا خايفين وقلوبهم علينا
ونحن خلقنا التسامح والكل منا ذو دينا
ونعفو عند المقدره ولو الحكم بأيدينا
ولا تبارينى شعرا فلدى ما دونَ ودينا
إن كنت رادا ً فرد ردا ً بلغة والدينا
لننهى ما كتبنا ولا يمل الاعضاء منينا
فياروميو لك محبة اعلنها فى العالمينا
وايضا ًلسلامة اباكا نحمد رب العالمينا
ندعو له بالسلامه من الاهه والانينا
وحفظه من البيضاء وذكاه السنينا
ومتعه بالصحه وبصره وقر عينه بالبنينا
ويانوح لك منى حبُ ً وسلامُ ًفى العالمينا
(روميو نوح)......................................
ويانوح لك منى حبُ ً وسلامُ ًفى العالمينا
انا لم اقصد اجرح الي اعز ما لينا
ولكن الدنيا ضاقت من حولينا
واحنا واقفين راسنا مكان رجلينا
شايفين الدنيا بالمقلوب وهاتتكفي علينا
قوللنا نعمل اية يا مصر ردي علينا
الرشوة والمحسوبية ثعبان بيلف علينا
والله رضينا بالهم والهم مش راضي بينا
واختم هذة القصيدة بالدعاء لوالدينا
والصلاه علي اشرف المرسلينا
سيدنا محمد صلي الله علية وسلم
___________________________________________________
هذة القصيدة التي جمعت بين كلماتي وبين كلمات الكاتب الكبير
بركات خيري
استاذي الذي طالما تعلمت منه الكثير والكثير
اهديها الي اعضاء وادارة وزوار المنتدي الغالي علينا دائما
(منتدي كوم الضبع)
وارجو ان تعجبكم حيث ان كلماتها من وحي قلمي وقلم الكاتب الكبير
بركاااااااااااااااااااااااااااااات خيري
تقبلو تحياتي وتحيات الاستاذ بركااااااااااااااااات
موضوع: قصيدة..(انا ومصروقلمي)..للاستاذ..(بركات خيري )و (روميو نوح) 
