راجعة على بلادى على الارض الخضرا

السلام عليكم ورحمة الله وبركاته
اعزائى الى فى منتداى الغالى
الموضوع اليوم مش نقاش ولا رأى بس الموضوع بيتكلم عن فرحتى برجوعى لبلدى كوم الضبع
الى حبها بيجرى فى دمى انا الحمد لله ربنا كرمنى وجاية البلد عن قريب جدا
قولو عقبال الرجعة النهائية بأذن الله
بصراحة من فرحتى انى جاية مش عارفة اتكلم بس انا مبسوطة جدا
لانى من كوم الضبع البلد الى اتولدت فيها وعشت فيها احلى ايام عمرى بتمنى لكوم الضبع كل التوفيق والرفعة ومن تقدم لتقدم بأذن الله
تحياتى
بنت البلد

الف حمدالله على السلامه يا سمر نورتى بلدك

وعبقال الرجعه النهائيه والاستقرار فى بلدك

حمدًلله على السلامة مقدما وحتنورى بلدك إن شاء الله كما منورة منتداه

ولا املك إلا ان اقول لكى
على بلد المحبوب
على بلد المحبوب ودينى زاد وجدى والبعد كاوينى
ياحبيبى انا قلبى معاك طول الليل سهران وياك
تتمنى عينى رؤياك اشكيلك وانت تواسينى
يامسافر على قبلى النيل انا ليه فى كوم الضبع خليل
من بعده مابنام الليل على بلد المحبوب ودينى

شكرا للاستاذ خيرى على الكلام الجميل دى الى انا بعتز بيه جدا بشكركم على الاهتمام بس اعذرونى لانى لما اجى مش هقدر ادخل المنتدى كتير
وبقول للمشرف العام انا لسة موصلتش انا جاية يوم التلات ان شاء الله وشكرا مرة تانية على الكلام الجميل دى

توصلى بالسلامة ان شاء الله ياست سمر
والبلد هتنور بيكم
وانا عارف بلدنا احسن ن الخنقى اللى انتى عايشة فيها عندك
اى واحد يشوفك بتقولى كدة يقول البت دى كدابة
لانهم مجربوش العيشة فى الخنقة دى
وربنا يكرمكم بالا ستقرار
ربنا يجيبكم بالسلامة

اه والله يا صعيدى
بس اقولك حاجة اول مرة تقول حاجة من غير ضحك
ربنا يهدى وشكرا لكلامك الحلو دى

ان شاءالله توصلي بالسلامة وتنوري بلدك كوم الضبع
ويارب عقبال الرجعه النهائيه ويارب ترجعي تنوري المنتدي من تاني

ويارب تنبسطي في البلد واتمني لكي اجازة سعيدة بأذن الله
تقبلي تحياتي

حمد الله علي السلامه

أن شاء الله تيجى وتنورى بلدك وتقضى فيها اجمل وقت وعقباااااااااااال الرجعه النهائيه

السلام عليكم
سوف تهل علينا الانوار وتشرق بمجئك وانا اقول الدنيا منورة ومحتفله وفرحانه كده ليه
تاجي بالف سلامه ياسمر وتوصلي بالسلامي يارب واجازه سعيده يارب هتنوري كوم الضبع وكل البلاد اللي جمبيها
توصلي بالف سلامه بس متنسيش الهديه بقي

شكرا استاذنا فايز الحربى
وشكرا جزيلا للعالمى
والمايسترو مش هنسى الهدية بس مش لما اعرفك شخصيا الاول
وعلى العموم والله البلد منورة لوحدها مش نقصانى يعنى
وشكرا لكلامكم الجميل ده

شكرا ليكي سمر وبجد هتنوري وانا مستعد للمعرفه الشخصية لان ده شرف ليا
وانا بهرج في موضوع الهديه تيجي بالف سلامه يارب

لا لا سمر بنفسها هتاجى البلد
اوكيه يا عم واحنا مستعدين وفى شرف الانتظار
والله هتنورى يا سمورة وانت طبعا ديما كل سنة بتنورينا
بس مش هوصيكى على الى قولتلك عليه اوكيه
وانشاء الله توصلى بالسلامة
وعقبال الرجوع النهائى ان شاء الله

حتى لو مش هزار يا استاذ محمود من عينى والله انت تأمر
وانتى يا حبيبة من عينى مش هنسى الى قولتيلى عليه والبلد والله يا قمر منورة بأهلها

حمدالله على السلامه ونورتى البلد يا سموره

معلش انا عارفه انها جات متأخرة

ويا رب ديما تنورى البلد

وانا كنت سعيدة جدا الاجازة دى

عشان اتعرفت عليكى

» اللهم استرني فوق الارض وتحت الارض ويوم العرض عليك
» سر الارض.. ايام زمان
» صور لاخطر مخلوق على وجه الارض