الى من يهمه ألامر

حديقة كوم الضبع

كلما مررت على الحديقة أشعر بألاسى والحزن للحال الذى وصلت إليه الحديقة ألان فقد كانت انجاز حضارى يفتخر به كل مواطن وكانت من المعالم الجميله فى البلدكان هناك اشخاص مسئولين عنها أين هم ولماذا كل هذا ألاهمال ؟إلى متى سوف يستمر هذا الحال ؟

اولا شكرا ً لكى شيماء على تطرقك لهذا الموضوع و السؤال الجميل

ولكن هذا هو حالنا فى البلدة ما ان ننجز شىء حتى نقبل علية بكل حماسنا ونعطية كل اهتماماتنا فى اول اعوامة كلمولود ثم يؤل بة الحال الى الفطام اى نعطية الاهتمام الزائد حتى نشعر بالملل ثم نهمله ولذا وجب علينا الا نسرف فى العمل حتى لا نشعر بالملل وهذا ماحدث بأمر الحديقة

اتكلمنا كتيييييييييييييييييييييييييييييير في الموضوع دي ولا حياة لمن تنادي فيا ريت نسكت احسن

بس يصراحه امر الحديقه يحزن بجد

يا ريت نشوف حل !!!!!!!!!!!!

شوفوا الموضوع دي من فترة كبيرة يمكن نكون سنة [ندعوك للتسجيل في المنتدى أو التعريف بنفسك لمعاينة هذا الرابط]

اولاانا بشكرالاخت الشيماء علي طرح هذا الموضوع وهويعدمن اهم المواضيع التي
يجب علينا ان نهتم بها بالمنتدي ،،ولذلك كان منتدي كوم الضبع
منتدي كوم الضبع اسس لكي نناقش تلك المواضيع ونخرج بأهداف ناجحه ،اما ما
نراه اليوم نجد الاعضاء يلجأون لمنتديات اخري وينقلون مواضيع ما
نحن لانمانع ذلك بل بالعكس شئ رائع ، لكن يجب ان يكون شغلنا الشاغل هي
كوم الضبع وكيف نرتقي بهاللافضل وكم تحدثت كثيرا يااخواني ارجومن الشباب اللي
موجودبالبلد ان يهتم بتلك المشاريع التي كادت ان تنسي خاصة هذه الايام ونحن في
الاجازة يكونوا اسرة ويهتموا بتلك المشاريع لكن ان نتحدث ونتحدث ولايوجد فعل
فسنظل دائمانقول لاحياة لمن تنادي ،،يجب علينا ان نعمل لاان نتكلم والحمدلله
عندناشباب حلووبيحب بلدنا الحبيبه لكن عاوزين فعل وليس كلام

ياااااااااااااااااااااااااااااااااااااااااه لوتحقق كلامي ده ...............

فعلا امر محزن والشى الغريب ليه مركز الشباب لم يتخذ امر حكيم بخصوص الحديقه مع انها من اجمل الانجازات .....

ياجماعه امر الحديقة كان مجرد سلم للوصول الا هدف معين وعندما تحقق الهدف تركت الحديقة اما اذا كان هدفهم الحقيقي هو الحديقة فعمرهم مكانو حيسبوها ودا امر عادي خالص فعلشان كده يادكتور ايمن مهما تتكلم في هذا الموضوع لما تجد له حل ودليل علي ذالك عندما تكلمنا في هذا الموضوع عرفوا يثبتونا كويس وانت فاكر ايه الا حصل السنة الافاتت فعلشان كده مفيش داعي لتعبكم يجماعه

صحيح تعبنا من الكلام في القصة دي زي ما قال احمد والموضوع دي ليه سنة مطروح علي المنتدي ومحدش أظهر اي اهتمام وياريت تسيبكم من الموضوع دي
وتعليق علي الاخ عبدالله مركز الشباب هيئة حكومية لا يمكنها التدخل في هذا الموضوع

هههههههههههههههههههه
المشكلة مش في مركز شباب ايمن مركز شباب قال اعمل الا ااقدر عليه وممكن اشارك بطلائع الجواله ودا يعتبر جزء من اختصاصهم ولكن المشاركة الماديه مش حقدر اساهم فيه بالقدر المطلوب ام في بعض الهيئات مفكرتش تساهم خالص ولما جبت بعض من العاملين بهذه الهيئات قالوا الا عايز يشارك يتفضل ولكن من غير اي مساعدات من هذا الهيئات علي الرغم من المفروض هم المسئولين عن هذه الحديقة
ويا ايمن لو في كلامي اي حاجه غلط ممكن تصححها
يبقي معني الكلام دا الحديقة ماهي الا وسلية للوصول الا هدف معين في واتبعو طريقة الغاية تبررالوسيلة وعندما وصلو الا هذا الهدف تركت الحديقة كمقلب للزباله ولو كلامي غلط يريت هذه الهيئات تصحح كلامي بالفعل مش بالكلام علي المنتدي

كنت اتوقع ان الاقي شباب يملأه الامل لكن للاسف وجدت غيرذلك ،شباب يبحث عن
اليأس لاعن الامل والتفاؤل والتعاون ،فيها ايه لوكلناساعدنابعض ونحل المشكلة دي
لكن ان نلوم فلان وفلان مايصير الكلام ده يااخواني عاوزين تفاؤل تفاؤل تفاؤل

فهل انتم كذلك يملأكم التفاؤل ام اليأس

نحن شباب حبينا نعمل وكان عندنا التفاؤل زياده عن اللزوم بس عندما وجدنا من بيده الامر يهدم تفؤلنا ماذا نفعل بالله عليك لما احنا نحبب نغير ونلاقي الا بيده الامر هو الا مش عايزنا نغير علشان سلطته تبقي زي ماهي نعمل ايه بيخافو لحد يقول احنا عملنا ولكن عايزينا نقول هم عملوا بس احنا كده معترفين انهم عملو كتير بس دلوقتي هما بيضيعوا الا عملوه
ومعلش لو كنت اتجرئت علي حد بس والله دا الا بيحصل واسأل اي شاب في مطلع عمره وخليه يتكلم بحرية بعيدا عن المجاملات حيقول نفس كلامي

كلا م الدكتور أيمن بيدعوا الى الياس وترك الحال على ما هو عليه الشباب اللى نفذ الانجازات الموجوده فى البلد من ضمنها الحديقة قادر على تتغيير الحال اذا اراد

انا لست ادعوا الي اليأس ويا ريت تجربوا وتعيشوا التجربة دي واحكموا انا كلامي صحيح ام خطأ والايام بيننا وانا بقولها للمرة المليون انا معاكم ومتفائل بالمستقبل وقدرتنا علي تغيير كل شئ

بصراحة فعلا الحديقة حالتها يرثى لها
وكل ما اشوفها اقول ان شاء الله لما اجى السنة الجاية الاقيها احسن بس
مفيش تحسن ابدا

انتو متعرفوش ان الحديقه دي بقت مش تبعنا دي تبع الناس التانييييييين
انا والله موضوع الحديقه ده عايز تكاتف تعاون انجاز

ياجماعة الحديقة بقيت مرفأ للمعيز
وزريبةللفروج بتاع الناس اللى حول الحديقة
واحنا ممكن نتكاتف ونعمل عملية تعديل وتجميل للحديقة
بس للاسف يارجالة كل واحد ولية عمرافتراضى
والحديقة العمر الافتراضى بتاعها انتهى
يعنى خلاص ما خلاص الصور وقع ومفيش امل فى الحديقة تانى
غير انا احنا نعمل حارس عليها
او واحد يعمل فيها كافتريا او اى مصلحة بحيث يراعيها
ونتمنى من الله خيرا
وان كنتو رايحين قولو علشان اجيب الطوارى والقداديم
واجيب الرجالة واجى
واقولهم الهمه يا رجالة
ههههههههههههههههههههههههه
عرفين اللى مجننى وهيموتنى انة كان فى الحديقة
مرجيحة حلوة قولولى دى راحت فين
ومين خدها ولية ووداها فين
ههههههههههههه

الاخ صعيدى دوت نت انت فكرتك روعة من حيث تنظيف الحديقة وانتم ممكن تاخدوا بعض الاولاد من مركز الشباب وتعملوا زى نظام معسكر وتاخدوهم ووالله حرام الحديقة تكون كده لانها فعلا[ندعوك للتسجيل في المنتدى أو التعريف بنفسك لمعاينة هذا الرابط] لو اتصلحت هتبقى روعة روعة وده مجرد اقتراح من اخوك كومندا
ياريت بجد تتصلح الحديقة

» رجاء من اورتيجا الى من يهمه الامر