غني يا سمسمية
أبوح
يا عم حمزة
نشيد الجبهة
يا إسماعيلية
راية النصر
-----------------------
غني يا سمسمية
غني يا سمسمية
لرصاص البندقية
ولكل إيد قوية
حاضنة زنودها المدافع
* * *
واللي وراها بيدافع
ووصي عبد الشافع
يضرب في الطلقة مية
* * *
في الغيط وفي المعامل
بيأدي الواجب كامل
واديله وردة هدية
* * *
في الجامعة وفي المدارس
لمجد بلاده حارس
من غدر الصهيونية
-----------------------
أبوح
أبوح يا أبوح
دم البلد مسفوح
يا صاحب البقرة
يا زارع الشجرة
تتطرح ونديهم
ولا تمر فيهم
باعونا للكفرة
* * *
كدابة ضحكتنا
ندابة غنوتنا
كرامتنا ثورتنا
مخنوقة في القهرة
* * *
أبوح يا أبوح
أصرخ ألم وأبوح
دا العدل بات مدبوح
-----------------------
يا عم حمزة
يا عم حمزة
كبروا التلامذة
وقالوا لأ لأ
بألف همزة
* * *
غني للمدافع
يا عم حمزة
ماعدش ينفعنا الكلام
ولا أي شنطة
مهما شالت من سلام
غني لكل عامل
أصل التلامذة
كبروا يا حمزة
وعرفوا إيه معنى الآلام
ولجل ذلك
غني لكل دارس
طلعوا التلامذة
وقالوا لأ لأ
بألف همزة
-----------------------
نشيد الجبهة
إن يسألوك يا خي
قولها وعلي صوتك
عربي فدائي من الجبهة
وتكمل بندقيتك
* * *
إيش أنت وإيش هويتك
اصرخ: فدائي من الجبهة
وفلسطين قضيتك
* * *
ويحاولوا يكفوا سلاحك
اضرب اضرب ما تخلي
أحدًا يعوق كفاحك
-----------------------
يا إسماعيلية
يا إسماعيلية
مسير الصبح يبتسم ويملا
يملا الحواري ملاغية
شايل صباح الفل لولادك
يا إسماعيلية
يا مدينتي يا غنوة سلام
ورجالة فدائية
يا إسماعيلية
* * *
يا إسماعيلية يا حاضنة القنال والناس
يا أم التاريخ بالدم متسطر
إحنا ليكي حراس
يا حمام مدينتي
يا بو الخطا.. ينباس
-----------------------
راية النصر
ولا عمر راية النصر هاتفارق جبينك يا وطن
إحنا فداك
ولا عمر دقة كعبنا فوق أرضنا
تفارق خطاك
دا الشعب هو البندقية والمدافع والرصاص
وإن يسألوك يا فدائي
إحنا السوايسية الفدائية
جند المقاومة والخلاص
ولا عمر راية النصر هاتفارق جبينك
موضوع: اغنية السمسمية