ربع جنيه

مره واحد كان معاه ربع جنيه ففكر يعمل بيه إيه
يشرب عصير قصب و لا يركب الأتوبيس فقال :
أنا لو ركبت الأتوبيس هيبقي في حل من إثنين

يإما هقف أو هقعد
لو وقفت مش هيبقي في أي مشكلة
لكن لو قعدت هيبقي في حل من إثنين
يإما هيقعد جنبي راجل أو تقعد جمبي ست
أنا لوقعدت بجانب راجل مفيش مشكلة
لكن لو قعدت بجانب ست هيبقي في حل من إثنين
لإما هنعجب ببعض يإما مش هنعجب ببعض
لو مأعجبناش ببعض مفيش مشكلة
لكن لو أعجبنا ببعض هيبقي في حل من إثنين
يإما هنتجوز يأما مش هنتجوز
لو مإتجوزناش مفيش مشكلة
لكن لو إتجوزنا هيبقي في حل من إثنين
يإما هنخلف يأما مش هنخلف
لو مخلفناش مفيش مشكلة
لكن لو خلفنا هيبقي في حل من إثنين
يإما هنخلف ولد أو بنت
لو خلفنا بنت مفيش مشكلة
لكن لو خلفنا ولد هيبقي في حل من إثنين
يإما هيستقيم أو هينحرف
لو إستقام مفيش مشكلة
لكن لو إنحرف هيبقي في حل من إثنين
يإما يدمن أو مش هيدمن
لو مأدمنش مفيش مشكلة
لكن لو أدمن هيبقي في حل من إثنين
يإما هيبقي معاه فلوس أو معهوش
لو كان معاه فلوس مفيش مشكلة
لكن لو كان عايز فلوس هيبقي في حل من إثنين
يإما هيسرقني أو هيقتلني
لو سرقني مفيش مشكلة لكن لو قتلني ..
.. يقتلني ؟؟!
لا ياعم أنا أشرب عصير قصب أحسن ..

ههههههههههههههههههههههههههههههههه كل ده بربع جنيه يا بشمهندس

اهو شوفو الربع جنيه بيعمل ايه علشان محدش يقول ايه لازمة الربع وتحياتي لمرورك

معلش السبرين بي بــــ30 قرش وهو معاه ربع جنيه بس وتقبل تحياتي لمرورك

لكن قولى هو الربع ده من الراع الزمانية الخضرا
ولا من الجديدة
ولا من الفضية

لا من الرباع الصغيره الجديده الفضيه وانت فين ياعم انا من الصبح بدور عليك وانا علي شات المنتدي مستنيك