كـدبـه بـيـضه

كـــدبـــه بـــيـــضــه

شجرة مخوخة ومكسيه عروش

تشوفها من بره يعجبك كسمها

راجل وعايق وجيبه خالى من القروش

ست حلوه بس أه من وحاشة قلبها

ماعدش باقى منا غير صور

وقلب صوان أقسى من الحجر

وكدبه بيضه كدبناها وعشنا بيها

صبح القمر فيها كدبه متلزمناش

والكدبه صبحت قمر نـتـاش

يضوى ف طريق الغش

كداب بمليون وش

ولواتقبلنا ف طريق

على طول نخاف ونكش

ونجرى على كدبه

أنجس من البركه

بركه و بنعوم فيها

وياعالم أمتى تجف

وياعالم من كدبنا

حيجى يوم ونخف

وأجسامنا التقيله تخف

وننضف من عكار البرك

اللى خلت ريحتنا زفت

ونرجع القمر لمكانه

ونبطل الكدب بكل ألوانه

وننفض التراب والطين

عن عقول بقالها زمان بتسف

ونفك القلوب ونركبها من جديد

قلوب أطفال فرحانه بيوم العيد

متعرفش يعنى إيه الكدب

قلوب بنى أدمين قلوب طيبين

عشعش فى جوفها الحب

كفاينا صور أخرتها نار وتهب

فى كل حتة لحم فى وشوشنا

فى كل غصن فى عروشنـا

تقيد النار بسبب الكدب

شــــــعــــــر

أحمد جمال عبدالحميد المسرت