لا للتغير لا للتغير

لا للتغير لا للتغير لا للتغير

لنا شاعر ولاساحر ولامجنون

أنــا مــؤمــن ولـيـا كــتــاب

مانيش كافر ولا شيوعى ولا ملعون

أفكارى من بطون الناس

وزادى من عقول الناس

أنا مواطن وليه حقوق

أنامصرى وليا أساس

عاشق لبلدى أم الكون

لنا شاعر ولا ساحر ولامجنون

أنــا مــؤمــن ولـيـا كــتــاب

مانيش كافر ولا شيوعى ولا ملعون

ولاعمرى كنت من الإخوان

ولاجيت فى يوم فجرت ميدان

ولااشتركت ف حزب رافض للنظام

معارضه من أجل المعارضه والسلام

معارضه من أجل الظهور

معارضه مابتصنعش نور

معارضه حباً فى التباهى

وخطف كرسى البرلمان

وخطـف أنـظـار العـيـون

لنا شاعر ولا ساحر ولا مجنون

أنــا مــؤمــن ولـيــا كــتــاب

مانيش كافـر ولا شيوعى ولا ملـعـون

التغير مش بالمعارضه المزمنه

التغير بالعمل والأحلام الممكنه

التغير من غير مانفضح نفسنا

قـاعـديـن نـهـاتـى مـن سـنـيـن

وزى مااحنا بتدوس علينا الأزمنه

وتزيد على دماغنا الديون

لنا شاعر ولا ساحر ولا مجنون

أنــا مــؤمــن ولـيــا كــتــاب

مانيش كافر ولاشيوعى ولا ملعون

قبل مانطالب نظامنا بالتغير

لابد فى الأول ان احنا نتغير

لازم نستمع لصوت الضمير

ولكل واحد فينا نصيحه لويسمع

خليك فى حالك وسيبك

من الغنى سيبك من الفقير

لوكل واحد فينا غير من نفسه

ساعتها نصرخ بعلوا صوتنا

لا للتغير لا للتغير لا للتغير

بس هما حبة ضمير

جوه الصغير والكبير

عند الغنى وعند الفقير

عند الفلاح ومعالى الوزير

عند العامل وسيادة السفير

وقتها حنشوف بلدنا اتغيرت

وندوس ونمشى ع الحرير

فى شوارع مرصوفه بسكون

وبحظرك لو مين تكون

خليك فى أحضانها طفل

بعقل خالى من الظنون

وقول كلمتك وانت بتحبها

قول شكوتك وانت بتضمها

ارمى قلبك جوه فـ حضنها

قلب عاشق مصرنا بامتياز

عاشق بأعلى درجات الجنون

تقولوا شاعر تقولوا ساحر تقولوا مجنون

أنــا مــؤمــن ولـيــا كــتــاب

مـانـيـش كـافـر ولا شيـوعى ولا ملعـون

شـعــر

أحمد جمال عبدالحميد المسرت

» رمضان فرصة للتغير