لمى غـزلك
لمى غزلك واتركينى وارحلى
وان قالوا مات متعدديش وتولولى
وغناكى اللى ماسمعتوش وانا حى
غنيه على قبرى وانتى فرحانه وبتهللى
حـبـيـبـتـى
موتى يفتحلك طاقات النور
لجل ماتشوفى
موتى هوا مركبك وسط البحور
والشراع خوفى
وان لموكى الناس أوعى بكلامهم تجهلى
ولمى غزلك واتركينى وارحلى
وان قالوا مات متعدديش وتولولى
وغناكى اللى ماسمعتوش وانا حى
غنيه على قبرى وانتى فرحانه وبتهللى
حـبـيـبـتـى
كل اللى قلته أقل من حقك
اللى قلته ميساويش دمعه كنت السبب فيها
نزلت فى يوم تدبح شراين خدك
حـبـيـبـتـى
حياتى اللى كانت سجنك وسجانك
وكنتى فيها سفينه غرقتى بيد ركبانك
أديـنـى أنـا اللـى غــرقــت
ورب الـكـون سـابـك انـتـى تـكـمـلـى
وتـلـمـى غـزلك وتـتـركـيـنـى وتـرحـلـى
وان قـالـوا مات متـعـدديـش وتـولـولـى
وغـنـاكـى اللـى ماسمعـتـوش وانـا حـى
غـنـيـه على قبرى وانـتـى فـرحـانـه وبـتـهـللـى
حـبـيـبـتـى
سامحينى لو كلامى قلب عليكى مواجيعك
لكن بموتى صدقينى حيصحى الورد فى ربيعك
ودمى اللى ميستهلش تخطى عليه وتدوسى
خـديـه وبـأديـق غـربـال فى بـيـتـك غـربـلـيـه
يـمكـن تـلاقـى دلـيـل حـبـك فيه وانت بـتـغـربـلـى
وبـعـدهـا لـمى غـزلك واتـركـيـنـى وارحـلـى
وان قـالـوا مـات مـتـعـدديـش وتـولـولـى
وغـنـاكـى اللـى ماسـمـعـتـوش وانـا حـى
غـنـيـه عـلـى قـبـرى وانـتـى فـرحانـه وبـتـهـللـى
شـــــعــــــر
أحمد جمال عبدالحميد المسرت