مش لاقيه مكان

متمدش إيدك ياجناينى

ولاتقطف فل ولاريحان

ولاتسقى الحوض اللى انا فيه

من ميه بكدب الإنسان

متبصش ليه وتستغرب

طول عمرى بقلبى الحزنان

وردة فـ بستان

مش لاقيه مكان

سلبوها عبير الأزهار

سلبوها جمال الألوان

الليل بيعدى كأنه جبل

واقف على راسى ددبان

والموت غلباوى ومدارى

واقف فـ العتمه لإنه جبان

لولسه فاكرنى ياجناينى

إرحم حالى وابعد عنى

الحلم وضاع سرقوه منى

قتلوه وسابوه من غير أكفان

لولسه فاكرنى ياجناينى

لاتقولى أحبه ولا حبان

مش هما فـ يوم اللى قالولى

فارقينا وموتى أو انسينا

مالناش فيكى ولا عادلك فينا

وادى الإخوان وادى الصحبان

خلونى كرهت الأهل

خلونى كرهت البيت

واستنيت لحد ماجيت

بعنيك بصيت لقتنى بقيت

وردة فـ بستان

مش لاقيه مكان

سلبوها عبير الأزهار

سلبوها جمال الألوان




شـــــعــــــر


أحمد جمال عبدالحميد المسرت

كلمات جميلة ورائعه
ومعبرة
وننتظر منك المزيد يا غالى

شكرا لك أخى الكريم على ردك الجميل كشخصك

اولا نرحب بانضمامك للمنتدى
وجزيل الشكر على الموضوع الرائع
وفى انتظار المذيد من المشاركات

شكرا لك يامظلوم بارك الله فيك
على ردك الجميل

الله عليك كم انت جميل يابن الخطاره