نائب المديرالعام
نائب المدير
عدد المساهمات : 1086
تاريخ التسجيل : 30/10/2009
العمر : 37
الشخصية
اخر المواضيع: 
اوقات الصلاة لتوقيت قنــا:
اخر مواضيع المنتدى العام: 
↑ Grab this Headline Animator
 |  موضوع: الحلقه الاخيره من حملة(هنتغيربجد)000قريباجدا حملة جديده0 الخميس 4 فبراير - 22:16 | |
| ازيك يا باشا ؟
= الحمد لله بخير
ايه اخبار الموسم الثالث ؟
+هيبقى جامد باذن الله
بس عاوزين نشتغل كلنا مع بعض
يعنى فى مجله عاوزين اى واحد عاوز ينشر حاجه يبعتهلنا ويكتب أسمه
علشان ننشرها بأسمه
=انا معاك وهنشتغل مع بعض
واى موضوع يعجبنى هبعته على الميل
+ ماشى مستنينك ...
نبدأ فى الموسم الثالث
ان شاء الله
فى الموسم ده هبدأ من الصفر
=تانى من الصفر
+اه تانى بس المره دى التغيير اللى عاوزينه مش تغيير دينى بس
لاء عاوزين تغيير شامل لكل
حياتنا يعنى نغير العادات قبل العبادات
ونغير المشاعر قبل الشعائر
علشان نطلع بعدها
شباب صح وينات صح
نعيش دنيتا بجد ونعيشها صح
ونضمن مكاننا فى الجنه برحمه ربنا طبعا برحمه ربنا
ولكن يبقى عملنا حاجه فى دنيتنا
وقدرنا بعون الله اننا نساعد بعض على التغيير
=صح
+والتغيير اللى عاوزينه
طبيعى جدا يعنى
هنمشى مع طبيعه النفس البشريه
يعنى مش ينفع
ان واحد بيشرب فى اليوم عشر سجاير
نقوله انت لازم تبطل
مرة واحده
طبعا ماينفعش
لازم واحده واحده يعنى امبارح
بتشرب عشره النهارده وبكره تشرب 8
ونقلل بالتدريج
علشان لما نبطل السجاير مثلا ما نرجعش تانى
=طيب فى ناس مينفعش تتغير
او صعب عليها التغيير
+بص القصه دى
واحد عمل كل انواع الذنوب
واحد عمل كل حاجه حرام
واحد زعل ربنا منه بكل الطرق
طيب كل اللى فاتوا دول فى شخص واحد
يتغير ويبقى متدين
بل ويبقى داعيه
=انت بتحلم ...ازاى ؟؟
+انا بتكلم بجد لان هو داعيه موجود دلوقتى وهو اللى قال على نفسه كده
انه كان بيشرب سجاير وعمل كل حاجه
غلط
واتفرج عليه من افضل الدعاه
دلوقتى
=يعنى فى امل؟
+طبعا
ربنا موجود بس
هل انت موجود؟
ربنا بيقبل اى حد
بس هل انت هتروح له؟
=انا عاوز اروح له
بس ...
+مفيش بس
انت هتروح ولا ...
=انا والله عاوز اتغير
بس بصراحه عاوز اعيش حياتى
انا شاب برضه وعاوز اعيش
حياتى انا ...
+انت فاهم الدين
غلط خالص
مين اللى قال لك
ان الدين هيخنقك
=مين اللى قاللى !!
اتفرج على الافلام
تلاقى المتدين تصرفاته غلط
يتعارك مع اى واحد بيعصى
ويفتكر نفسه هو اعلى واحد
ومكشر
ومتخن صوته
ومش مهتم بنفسه
+ بص يا جميل انا هقول لك
من الآخر
هجيب لك مثالين
الاول
اللى انت بتقوله
المتدين المكشر
اللى بيزعق
اللى مش مهتم بنفسه
الكئيب
التانى
لما يشوف ديما مبتسم
وبيحط برفان
وشيك جدا
فى طريق لبسه
وفى طريقه كلامه
ومحترم
وديما بيضحك
يبتعامل مع كل الناس
الطائع والعاصى والزانى والمدمن
والبنت "بس بحدود "
=طبعا التانى من غير تفكير
لان التانى شخصيه بحبها
وكل الناس بتحبها
+طيب واذا كان التانى
هو المسلم الصح
= معلش ..ازاى هو الصح ؟
+بص هثبت لك
من كلام النبى
النبى قال
ان الله جميل يحب الجمال
يعنى علشان تبقى صح
لازم وغصب عنك تبقى شيك
وجميل
وربنا قال ما يلفظ من قول الا
لديه رقيب عتيد
يعنى غصب عنك لازم تكون لبق فى طريقه كلامك
وتختار الفاظك
والنبى قال ان كان لدى احدكم شعر فليكرمه
يعنى سرح شعرك وبشياكه
بس ميكنش فيها تقليد لواحد
مش مسلم بس طالما
التسريحه شيك ومافيهاش حاجه خلاص
والنبى من افضل 3 حاجات له فى الدنيا واحده منهم
العطر يعنى البارفان دلوقتى
والنبى قال من تواضع لله رفعه
والناس سواسيه
يعنى متساوين كلهم زى بعض
يعنى لازم تتواضع
ايه رأيك ؟؟
شفت ان كل اللى انت عاوزه
مش هتعمله جدعنه منك لا
ده المفروض انك تعمله
لان النبى امر بيه
ولانه شئ مستحب
=......
+طبعا مش قادر تنطق
لانك كنت فاهم الدين غلط
=فعلا
بس عاوزين نتكلم
عن ازاى نتغير وايه الدافع للتغيير اللى
عاوزين نعمله
وهكسب ايه من ورا التغيير
+كل ده هنعرفه
فى الحلقه الجايه
وفى اقرب وقت هنتقابل
ونتكلم عن الحاجات دى
=ماشى بس مش عاوزين تأخير
+ماتخافش بس علشان نروح نجهز للمجله
=ماشى وانا هبقى ابعت لك حاجات
علشان تنشرها
+مستنيك
يلا
السلام عليكم ورحمه الله وبركاته
=وعليكم السلام ورحمه الله
والأن
سأترك لكم المساحة الكافية للتعبير .. مع بعض التسؤلات..
1. صف مشاعـر الخـوف بالنسبــة لك؟؟
2. ماهـى اكثر الاشياء التى تجعلك فى خوف وقلق؟؟
3. هل استطعت ان تتغلب على خوفك فى يوم من الايام؟؟
4. هــل انت شجـاع بما فيه الكفاية؟؟
5. اذكــر اكثر موقف مرعب او مخيف حدث لك..؟؟
وفى النهاية
كلنــا نخشـى الله عز وجـل فى المقام الاول
فهو سبحانه قادر على كل شىء وبيده الخير كله
واليه يرجع الامر كله وعلى الله فليتوكل المتوكلون
قال تعالى :
بسم الله الرحمن الرحيم
(إِنَّمَا الْمُؤْمِنُونَ الَّذِينَ إِذَا ذُكِرَ اللّهُ وَجِلَتْ قُلُوبُهُمْ
وَإِذَا تُلِيَتْ عَلَيْهِمْ آيَاتُهُ زَادَتْهُمْ إِيمَانًا وَعَلَى رَبِّهِمْ يَتَوَكَّلُونَ)
صدق الله العظيم
الطــريــق الصـــــح
شيل الدين من الدنيا هتتحول فى ثوانى لغابه
بس ازاى الناس هتقرب لو شايفنه كآبه
عارف ليه بيجلنا امل ويروح كالعاده
شايفين الطريق الصح مفيهوش سعاده
نار او جنه الدنيا تعيشها انت بتختار بأرادتك
لو ربنا قالك ده غلط قالها علشان مصلحتك
اللى بيضحك للدنيا الدنيا هتضحك له زياده
حب وخلى الكل يحب ياناس ده الحب عباده
عارف ليه بيجلنا امل ويروح كالعاده
شايفين الطريق الصح مفيهوش سعاده
ايوه اكره أى غلط و ما تكرهش الغلطان
كان ممكن تبقى انت مكانه تكون فى التوبه طمعان
أو تايه ومحدش دله الصح طريقه ازاى
أدعى له ربنا يهديه ويغير عمره الجاى
عارف ليه بيجلنا امل ويروح كالعاده
شايفين الطريق الصح مفيهوش سعاده
قريبا حملة (يلانكون في ذمةالله)0(صلاةالفجر)0
اتمني انكم تكونوا استفدتم من الحمله
| |
|
