بسم الله الرحمن الرحيم
والله نفسى احبك
واشوفك تحت عرش الرحمن ؟
يوم لا ظل الا ظله سبحانه وتعالى
واشاور عليك واقول
كان حاكم عادل
مش عايز اتعلق وقتها ف رقبتك انا واكثر من 50 مليون
نشكو لله منك مظالمنا
فهل تسمح لى سيدى الرئيس بأن احبك
تسألنى كيف
وها انا اجيبك
تعالى
انزل الشارع هتلاقينى
الصبح تلاقينى واقف ف طابور طويل
فى نهايته كام رغيف اثرى
مرتبط بهم ارتباط وثيق
هم الى فاضلين لى انا واطفالى
مش عايز منك غير انك تحافظ على الطابور دا يا ريس
احنا راضيين به وبنحبه
ويوم ما يختفى
مش هتلاقى غير انى اكرهك
هتلاقينى
ماسك بيد من حديد
بأخر امل فى ذلك الباص المتلاحم الاجساد
ستعرفنى بجسدى المتدلى خارج بابه
لأنى لازم اوصل شغلى
لازم امسك كويس
ستجدنى ياريس
امامك ان شئت
وانت تنصب مشنقه ومقصله
فى كل ميدان عام
لكل مسؤل تسول له نفسه ويتلاعب ب
اولا بنا
وثانيا بك
فأنت المسؤل سيدى الرئيس ان عانينا
امام
الله
وامام التاريخ
ستجدنى
اليوم نائم على الارصفه اشكو لك الخوف من الغد
وغدا جائع فعلا انا واطفالى
لأن ساعه الجوع اقتربت
هل تدعنى احبك
تعالى
شوف السرطان والفشل الكلوى وامراض الكبد جاتنى منين
تعالى
خلينى ارفع ايدى ليك
اشكى لك ولو مره
من غير امن الكرسى ما يطلق الرصاص على جسدى
خلينى احب اسمعك
خلينى احبك
واحب اقولك انى انسان فاهم
وعارف كويس انك ما طلبت الكرسى
الكرسى جالك وحده
ودى حاجه ناس كتير مش فاهماها
لكن الضباب الى حواليك ياريس
بيحجب كتير من رؤيتك
لأنه عايزك تحاسب وحدك عن الى بيحصل لنا
الضباب دا هو الى بيحاول يحط ابنك على الكرسى
اهو يحاسب من بعدك
عارف انى باغامر بحياتى وانا باكتب لك
لكنى مش خايف
ومافيش غيرك اقدر اكلمه
يمكن كلامى يوصلك
وعارف يعنى ايه اخوان
وايمن نور
وزويل الامريكانى
والبرادعى
كلهم عارفهم
وعارف ان الكرسى مش ليهم
لان الكرسى يبحث عن الموعود به
لان الكرسى محتاج رجل قوى يحافظ عليه
ياريت ياريس كلامى يوصلك
ومش باطلب حمايتك من مسؤل ممكن يسجنى
لأنى مؤمن بقضاء ربى
وعندى كلام كتير
واملى فى انسايتك تسمعه
ارجو من الله ان تصلك كلماتى
وتفهمها
لانى نفسى احبك
موضوع: مواطن نفسة يحبك يا ريس مبارك 
