يلا عايز تسجن ميين في المنتدى

تذكير بمساهمة فاتح الموضوع :

بسم الله الرحمن الرحيم

لعبة السجن
طريقة اللعبه

أنا اختار احد الاعضاء وادخله السجن واللي يرد بعدي له الخيار إما يتركه
في السجن ويقول خليه يستاهل أو يخرجه من السجن علشان غالى عنده .
بشرط أن يدخل مكانه احد الاعضاء واحد
فقط

مثااال :انا اقول عايز اسجن المشرف العام ويجي اللي بعدي يقول لا حرام طلعه ميستهلش السجن كدا يطلع من السجن . فهمتوووووو ؟


شروط اللعبه

1- المسجون لا يحق له ان يخرج نفسه من السجن ولا يسجن احد ولا يهرب


2- اذا طلعت اللى في السجن لابد ان تدخل مكانه احد الاعضاء


3- السجن لايتسع الا لسجين واحد فقط



4- ان يكتب الـعضو بـحدود اللـعبه ولا يتـجاوز الـقـوانـين



.



يالله نبدء اللعبه

معلش يا سمر سبيه خلي يطلع ويورينا مواضيعه ولو مكتبش مواضيع كويسه نرجع تاني السجن انا بخرج ابو علي من السجن وبسجن مكانه ميدو علشان ولا شيفنه في البلد ولا شيفينه علي النت خلي يرجعلنا تاني ولا ايه رائيكم المسجون حاليا ميدو 2017

ماشى ماشى عشان خاطرك انت بس يا بشمهندس

تسلمي ياسمر علي ذوقك ومبروك عليكي وسام العطاء

طيب انا بخرج ميدو 2017 وبدخل م احمد محمد علشان يعرف يدافع عن اخوه كويس

تسلمي حبيبه علي انك خرجتيني من السجن ده الجو حر مووووت واهو ياكيمو لقيت الايخرجني وانا حبقي احسن منك ومش حسجنك

طيب انا هخرج الصعيد وهحبسك انتى ياحبيبه علشان خرجتى احمد انا كنت عاوزه يموت من الحر

انا بخرج حبيبة وبسجن كيمو وريني مين حيخرجك

الف سلامه عليكى من الموت بس انا كنت عاوز اربى احمد شويه بس انتى شكل ك متحبيش الازيه لحد فانتى الى بتتئذى فانا هحبسك تانى

انا بخرج حبيبه وبسجن كيمو الموجود في السجن حاليا كيمو

انا بخرج كيمومن السجن كفايه عليه كده


وبدخل مكانه العضوه بسمله

تم اعادة فتح السجن من جديد

انا بخرج العضوة بسملة
واسجن العضو حبيبة
ومتشكرين على جمايلك معانا
احنا الصعايدة مهما نكون رجالة
بس يلا تغور الحبايب كلها
اذا كان حبيبة واحدة خرباها بلاد
وعاملة نفسها فالح اب بعو
كل يوم تشد محامى


المسجون يا خوانا حبيبة

انا بخرج حبيبة وبسجن الدكتور ايمن علشان مش سأل فيا حتي برساله

شكرا يا هندسة امال مين اللي بيكلمك كل يوم علي النت

انا بخرج الدكتور ايمن وبسجن مكانة
العضوة سحر
ومبروك عليها السجن

انا بخرج العضوة سحر
وبدخل مكانها الصعيدى دوت النت وبقوله خلاص زمن اللللللللللللللللللل خلاص انتهى محدش فاهم حاجة
انا خلاص رجعت للسجن ومش هسيبكم
خليك يا عم الصعيدى شوية وانا هرجع كمان اربع ايام اطلعك

الصعيدي دي نوارة المنتدي كده المنتدي مظلم يبقي لازم اخرجه
انا اخرجت عمي الصعيدي وبدخل اللي سجن صديقي العضوة سمر وشوفي مين هيخرجك

هههههههههههههههههههههههههههههه
شو فتى حبايبى كتير
وانا عارف انى هخرج
ومش عشان حبايبك تعمل فيا كدة
هههههههههههههههههههههههه

لالالالالالالالالالالالالالالا
الا حبيبى محدش يقرب منة
هولع فيكى ياحبيبة
وانا بخرج احمد محمد
وبسجن مكانة العضوة حبيبة
يلا خلى حبايبك ينفعوكى

كنت متأكد انك هتعمل كده ،،عارفك عاوز تخلص تارك من بدري
ماشي ياعم بس ياريت حد يخرجني بسرعه علشان انالسه خاطب جديد يااخوانا
كده مينفعش ،،،يلاهنام بقي لحدمايجي حد ويخرجني

انا بخرجك بس يريت محدش يقول لخطيبتك انك كنت في السجن لحسن تزعل وبسجن مكانك حبيبه
المسجون حاليا حبيبة

ياحرررررررررام الجوحر كده يااخوانا حد يخرجها بسرعه
ولااقولكم انا هخرجها واسجن مكانها م/احمد محمد
معلش ياابوحميد استحمل شويه انا عارف انك خرجتني قبل كده بس يلاالسجن
للجدعان وانت جدع قووووووووووي علشان كده سجنتك ،،،،،،،
لمانشوف بقي مين هيخرجك

علي العموم متشكرين يا استاذ فايز وتسلمي علي السؤال ياحبيبه ويجماعه دا انا احمد حرام عليكم انقذوني

ماشي ياحبيبه بس يريت سفن او فانتا علشان انا مش بحب البيبسي قوووي وتسلم علي الحجات دي

صراحة انا بحيي حبيبة علشان سجنتك وكمان عملت معاك واجب كبير عيش وحلاوة وبيبسي يلا محدش بيشوف الحاجات دي في السجن
بس انا مضطر اخرجك لانك متهنش عليا يا حمادة وبسجن الصعيدي لان الصعايدة جدعان ويستحملوا السجن وهجيبلك زي ما جابت حبيية لاحمد وانبسط في السجن يا صعيدي

ماشي يادكتورنا الغالي ونردهلك في السجون
هههههههههههههههههههههههه وانا معلش ميهنش عليا الصعيدي وحخرجك ياصيعدي وحسجن مكانك الاستاذ فايز وشوف مين حيطلعك

لالالالالالالالالالالالالالالا
الا العريس ياخوانا
انا شديت محامى ورفعت دعوى بالنقض فى القضية
واخدت حكم بالبراءة
وحكمت المحكمة على العضوة سحر بالسجن
مدى الحياة
المسجون سحر

ياصعيدي معلش انا عايز استاذ فايز يقعد في سجن شوية انا بخرج العضوة سحر وبسجن استاذ فايز الحربي

اولااحب اشكركم جميعا
ثانيا : ليه بس كده يابشمنهدس بتخلص تارك ماشي ياعم ولايهمك
ياتري في حدهيخرجني ولاايه يااخوانا
الحقني ياعم صعيدي وارجع بمحاميك تاني وخرجني بسررررررررعه

اخص عليكم يا وحشين مين الى سجن العريس كدة برضه يعنى هو هيدخل سجنين ينفع كدة
انت متهونش علاى يا استاذ فايز انا هخرجك من سجن المنتدى
بس مقدرش اخرجك من التانى لان الحكم للعروسة ماشى
وسجن مكانك الصعيدى الى محدش شايفه اليومين دول شوف مين هيخرجك يا حلو
خليك اتربى شوية
بس انا مفلسة عاد يعنى مفيش عيش وحلاوة وبيبسى استحمل شوية

ياصيعييييييييييييييييييييييييييدي انت حبيبي وانا مقدرش انساك واسيبك في المحنة دي علشان كده قومت لك اكبر محامي في البلد الاستاذ علي عبود المحامي وهو جبلك حكم بالبراءة ياعم وكمان خليت الاستاذ علي يرفع قضية علي المشرف العام بسبب عدم وجوده معانا وحكمت المحكمة بحبسه
الموجود في السجن المشرف العام

يااااااااااااااااااااااااااااااااااااه مشرفنا العام في السجن يادي العيبة الكبيرة واحنا نعيش ازاي من غير مشرف
علشان كده من واجبي ان اخرج المشرف العام بتاعنا احنا وندخل اللي بتسجن الناس كلها ومحدش عاجبها العضوة(سمر
اللي في السجن العضوة سمر

يادكتور انت عزيز عليا والله بس معلش حكسر كلمتك المرة دي واخرج سمر واسجن مكانها واحد حبيبي قوي بس مش شيفينه الايام دي وهو رميو نوح
الموجود في السجن روميو نوح

الموضوع تم اغلاقة نهائيا نظرا لكثرة الردود وتعدد الصفاحات وتم تنزيله بموضوع جديد وللمتابعة اضغط على هذا الرابط


https://komeldabaa.ahlamountada.com/montada-f21/topic-t3753.htm#9291