منتدى كوم الضبع
عزيزى الزائر/عزيزتى الزائره مهم جدا جدا::بعد التسجيل سيتم ارسال رسالة الى بريدك الالكترونى الذى ادخلته ولا بد من تفيعلها
ونتشرف بك عضوا فى المنتدى
ادارة المنتدى

منتدى كوم الضبع

منتدى شباب كوم الضبع2013
 
الرئيسيةالتسجيلس .و .جدخول

شاطر | 
 

 فرح للكل

اذهب الى الأسفل 
كاتب الموضوعرسالة
المسافر
عضو نشيط
عضو نشيط
avatar

ذكر
عدد المساهمات : 14
تاريخ التسجيل : 20/07/2009
العمر : 40

الشخصية
اخر المواضيع:

منتدى كوم الضبع


اوقات الصلاة لتوقيت قنــا:
اخر مواضيع المنتدى العام:

المنتدى العام

↑ Grab this Headline Animator


مُساهمةموضوع: فرح للكل   الثلاثاء 21 يوليو - 19:46

من وانا صغير
وانا بدور على اني اكون سعيد
وانا عندي خمس سنين
كان سعادتي في اني اجيب كيس كاراتيه من الحجم الكبير لوحدي
وعيطت
لغاية ما امي ادتني عشر قروش
كان ساعتها مبلغ كبير
قبضت عليه بكل عزمي
ورحت عند دكان عم عيسى
وقلت له اديني كيس من الكبير
قالي مشاور ناسك
وكأني رايح اشتري قراط ارض
قلت له ايوه امي اللي مدياني العشر قروش
واخدت الكيس
وجري على البيت
كنت خايف عليه كأني شايل حلم بين يديا
ولما رحت البيت
لمست جوانب الكيس بيديا
وابتديت افتحه سنة بسنة
واخيرا
حبات الكراتية قدامي اخيرا
دار بخيالي كل الاعلانات بتاعة التليفزيون
ومع اول واحدة دابت في بقي
اكتشفت اني مش بحب طعم الكاراتيه
كان بطعم الجبنة الرومي المعفنة
كلت واحدتين تانيين
ومليش نفس اكمل
طلعت في الشارع
وفرقته للعيال
كانو مبسوطين بيه قوي
وبياكلوه بسعادة غريبة
على الرغم اني مكلتش منه حاجة خالص
الا اني كنت حاسس ان طعمه حلو
وكل واحد فيهم مادد يده بيقولي
اديني شوية تاني ياخي
مش انا صاحبك
فرقت الكيس كله
ومن ستر ربنا امي ما شافتنيش
والا كنت خدت علقة عشان الخساير اللي سببتها
***************

لما كبرت شوية
اتحرك معيار السعادة
من طعم العنب الاحمر عند عم اب الصاوي
الى طعم دولسيكا استيك من عند فتحي اب داوود
لقميص مشجر وبنطلون كروهات
كان موضه ساعتها
كان الواحد بيبقى فيه زي البلياتشو
لجزمة جلد
للبحث عن العدد الجديد من مجلة العربي الكويتيه
وقرايتها من الجلدة للجلدة
للفرجة على شوارع قنا بالليل
او الفرجة على الحريم العريانة في المجلات
للرغبة في السفر لمصر
والفرجة على شوارعها
وركوب المترو
اول مرة دخلت فيها سينما كانت سينما اوديون
(لغاية دلوقتي هيا المفضلة لدي كنوع من الحنين للذكريات الأولى)
اول مرة اشوف عرض مسرحي
كان في المسرح القومي
اول زيارة لسيدنا الحسين
كأي صعيدي بيعتبر ان زيارة القاهرة لا تكتمل الابه
وستنا السيدة زينب
ونفيسة العلم
واللي كانت زيارتها حدوتة لوحدها
اخويا وابن عمي كانو جايين لي من البلد
ليلة الخميس قالو لي
عايزين نصلي في السيدة نفيسة
قلت لهم من عنيا الاتنين
انا كنت بزحلقهم الصراحة
كنت تعبان جدا
المهم صحيت الجمعة الصبح
اشتريت اهرام الجمعة
وتالت صفحة
كانت صورة مسجد السيدة نفيسة واخدة نص الصفحة
قلت صلوات الله وبركاته عليكم آل البيت
دي علامة يعني
دعوة من ستنا عشان نزورها
قمت صحيتهم
لبسنا ونزلنا
استنينا الاتوبيس
مفيش اتوبيس بيروح السيدة نفيسة
ركبنا اول اتوبيس وقلنا نغير
الكمساري قلنا ممكن تركبه الاتوبيس ده
لغاية شارع بورسعيد
عند مديرية امن القاهرة
وبعدين ممكن نغير
او نتمشى نص ساعة
مش مشكلة
مفيش تلت ساعة
ولقيته بينادي علينا
الاستاذ اللي بيسأل عن السيدة نفيسة
ايوة يا اسطى
ادي الجامع ده اللي قدامك
انت مش قلت انه مش بيعدي من عند الجامع
ايوه يا استاذ
بس الاتوبيس فيه مشكلة في الفرامل
والسواق لف من هنا بسرعة عشان يرجع الورشة
دي مش طريقنا
اول مرة الاتوبيس يجي من هنا
كنت سعيد قوي
علشان همة كانو حاسين اني حققت لهم امنية
**************
اتغيرت اسباب السعادة
من نجاح بحققه في شغلي
لخطوة صح في حياتي
مكافأة او ترقية
او عقد جديد
وبعد كل حاجة بحققها
كنت بحس ان برضه مش السعادة
فيه حاجة اكبر
*********************
كانت متشعلقة بإيديا
كنت رايح معاها نشتري حاجات الفرح
ابتسامتها كانت ماليه وشها
وانا هطير من الفرحة
الفرح الاسبوع الجاي ان شاء الله
كنت سعيد بجد
بحق وحقيقي
أحلى حاجة انك تقدر تهدي الفرح للناس
يا رب
يارب
إهدي الفرح للكل
الرجوع الى أعلى الصفحة اذهب الى الأسفل
م/عمر أبوبكر
مشرف
مشرف
avatar

ذكر
عدد المساهمات : 595
تاريخ التسجيل : 10/06/2009
العمر : 28

الشخصية
اخر المواضيع:

منتدى كوم الضبع


اوقات الصلاة لتوقيت قنــا:
اخر مواضيع المنتدى العام:

المنتدى العام

↑ Grab this Headline Animator


مُساهمةموضوع: رد: فرح للكل   الأربعاء 22 يوليو - 0:59

شئ جمييييييييييييل سرد الذكريات بهذه الطريقه الجمييييله
ان الانسان يموت لكن الذكريات لاتموت.......فما اروع الذكريات!!!!
الرجوع الى أعلى الصفحة اذهب الى الأسفل
Intel Lern Program
شاعر المنتدى
شاعر المنتدى
avatar

ذكر
عدد المساهمات : 352
تاريخ التسجيل : 18/05/2009
العمر : 37

الشخصية
اخر المواضيع:

منتدى كوم الضبع


اوقات الصلاة لتوقيت قنــا:
اخر مواضيع المنتدى العام:

المنتدى العام

↑ Grab this Headline Animator


مُساهمةموضوع: رد: فرح للكل   الثلاثاء 8 سبتمبر - 21:15

المسافر

حمدالله .. ع السلامة

ربنا يفرحك

يا هندسة

خلاص العيد ع الأبواب

والحاج شرف

ما فيش حجة
الرجوع الى أعلى الصفحة اذهب الى الأسفل
م/احمد محمد
مشرف
مشرف
avatar

ذكر
عدد المساهمات : 680
تاريخ التسجيل : 28/05/2009
العمر : 27

الشخصية
اخر المواضيع:

منتدى كوم الضبع


اوقات الصلاة لتوقيت قنــا:
اخر مواضيع المنتدى العام:

المنتدى العام

↑ Grab this Headline Animator


مُساهمةموضوع: رد: فرح للكل   الأربعاء 9 سبتمبر - 1:40

سرد الذكريات بهذه الطريقة الرائعه فن ويريت كل واحد يقدر يكتب عن نفسة ولو لحاجه بسيطة بس المهم يعرف انه عاشة ولو ليوم صح في حياته والحياة مش مهم تكون طويلة الحياة لحظات وفرص يريت نعيشها بجد علشان نحس احنا عيشين


م/احمد محمد

م/احمد محمد
الرجوع الى أعلى الصفحة اذهب الى الأسفل
http://netlog.com/zeiad2010
Intel Lern Program
شاعر المنتدى
شاعر المنتدى
avatar

ذكر
عدد المساهمات : 352
تاريخ التسجيل : 18/05/2009
العمر : 37

الشخصية
اخر المواضيع:

منتدى كوم الضبع


اوقات الصلاة لتوقيت قنــا:
اخر مواضيع المنتدى العام:

المنتدى العام

↑ Grab this Headline Animator


مُساهمةموضوع: رد: فرح للكل   الأربعاء 9 سبتمبر - 16:58

موضوعك ده اوحي لي

بفكرة رائعة

كتابة موضوعات بعنوان

حديقة الذكريات

عن شحصيات البلدة

والأحداث
الرجوع الى أعلى الصفحة اذهب الى الأسفل
 
فرح للكل
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى كوم الضبع :: قسم الشعر والادب :: منوعات ادبية-
انتقل الى: