نكت جامده موت وربنا يستر

مره حسنى مبارك راح مدرسه ابتدائى فلما جت فتره الاسئله ولد رفع ايده
مبارك ساله اسمك ايه فقاله رامى فقاله ايه سؤالك يا رامى ؟
رامى : انا عندى اربع اساله
ليه انت رئيس بقالك 25 سنه ؟
لسه معينتش نائب ؟
ليه ولادك ماسكين كل حاجه فى البلد ؟
ليه مصر حالتها الاقتصاديه زفت و انت مبتعملش حاجه ؟
ساعتها بالظبط رن جرس الراحه وبعد الراحه رجع مبارك وقال احنا كنا فين بقى؟ مين عنده سؤال ؟
ولد صغير تانى رفع ايده فمبارك سأله اسمك ايه قاله تامر فقاله سؤالك ايه يا تامر ؟
تامر : انا عندى 6 اساله
ليه انت رئيس بقالك 25 سنه ؟
لسه معينتش نائب ؟
ليه ولادك ماسكين
كل حاجه فى البلد ؟
ليه مصر حالتها الاقتصاديه زفت و انت مبتعملش حاجه ؟
ليه جرس الراحه رن ربع ساعه بدرى ؟
فين رامى ؟؟؟؟؟؟



عصبي بعت كروت فرحه
( الزفت الي جاي ميتأخرش والي مش هيجي بناقص منه والعيال مرزوعين في البيت ويقطعكم انتم والي عزمكم )


حشاش بيقول لصاحبه:انا حلمت امبارح أننا بقينا فنانين
أنت فنان تشكيلي .... وأنا فنان أشكيلك

واحد يدخن سجارتين مع بعض سألوه ليه؟ قال: وحدة عني وحدة عن صديقي المسجون... بعد فتره بقي يدخن سجاره وحده
قالوله:أكيد صاحبك طلع من السجن . . . قال : لأ أنا بطلت التدخين

صعيدي اشترى بي إم دبليو بمواصفات خاصة،
فيهالكمبيوتر بيصلح كل شيء من غير ما يروح التوكيل!
حب الصعيدي يجربها فكسر الباب الي ع اليمين، فرد الكمبيوتر:
يا أيها الباب ارجع كما كنت، فرجع الباب،عجبته الحكاية قام طار بالعربيه من فوق كوبري أكتوبر!!
فرد الكمبيوتر: يا أيتها النفس المطمئنة ارجعي إلى ربك راضية مرضية

وربنا يستر عليا أنا والمنتدي

عمر نكت جامده بس النكته الاولي لو اتمسكت بسببها معرفكش اصلك هي مش موته بس كدا موته وحاجه تاني قبليها
ههههههههههههههههههه

ههههههههههههههههههههه
جامد يا ابو بكر جامد
الا صحيح هو رامى راح فين
ممكن اتاخر فى الراحة برة الفصل شوية
ههههههههههههههههههه
وممكن ارتاح من الدنيا خالص
ودة احسن
ههههههههههههههههههههههههههه
جامد والنعمة

الله يضحك سنك ويبارك فيك ضحكتنا في زمن صعب فيه الضحك بارك الله فيك

حلوووووووووووووه يامان